مرضان باكى فاقد للشاعر محمد على عثمان بدرى

اذهب الى الأسفل

مرضان باكى فاقد للشاعر محمد على عثمان بدرى

مُساهمة  Admin في الجمعة سبتمبر 25, 2009 5:18 pm



مرضان باكي فاقد……فيكى علاج طبيبي
قالوا ترك سكونك …..يادار وين حبيبك
******
يادار من بقاياك…فوحي وجيبي طيبي
أو عاتق شميم ……النرجس من رطيبي
ماردت سؤالي…….وأجابت دار حبيبي
سدت حلقي عبره…..نفسي متين تطيبي
******
أنا لي مدة طالت …….ما شاهدت قمري
ما شاهدت غصن …..اليانع فيه ثمري
أنا ماشفت محبوبى…….البفيداه عمري
اسكر من عيونه ….هي كأسات فيها خمري
******

حبي الغير خافي…..ياالانت بتخبرى
اسألي منه قلبك……ومن نيراني تبرى
مروا على ناسك….وليك شالوه خبري
هل عرفوني حائر…..وهل ادوك خبرى
******
كيف طغى لي حبك….دائي متين تزولي
لولاك ما نزلت …..عن مقدار نزولي
ليك بنثر جواهري…… وبلغيها زولي
قالت كترت عليه……صديقي الما عزولى
******
فاكهه جميلة يانعه…..شتاها طاف بدري
دره يتيمة انسه…..ظبيه حواها خدري
حوره فى نعيمه……طواها جبينها بدرى
انا فى ناره ساهر….باكى أريتها تدرى
******
لو كلمتي طيفك …….قلت يزور ضريحي
أو قلتيلو داوى…….علل عاشقي وجريحي
لا باس من عذابي…..وبكاء جفني القريحى
ما دام انت نائمه……. وهادئه وتستريحي
******
أنا غافل غرامك…….دون اعلم شحني
دمعي إذا طريتك….بين الناس فضحنى
أنا شاعر فؤادك….في الحب امتحنى
برضك جافيه نافره ….لي متين تح
نى
avatar
Admin
Admin

المساهمات : 24
تاريخ التسجيل : 03/09/2009
العمر : 37
الموقع : http://hagibtalfn.ahlamontada.com

معاينة صفحة البيانات الشخصي للعضو http://hagibtalfn.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى