هــــــــواك وهـــــواي محمد علي الامـــــــي

استعرض الموضوع السابق استعرض الموضوع التالي اذهب الى الأسفل

هــــــــواك وهـــــواي محمد علي الامـــــــي

مُساهمة  Admin في الأربعاء سبتمبر 30, 2009 7:14 am

هواك وهواي بي جاروا وسبن أفكـاري نظراتـك
أحب تعطف تزيل وجدي وأحب كل البحب ذاتك
بحب لونك بحب لونك بحب يـا حبـي نفحاتـك
بحب فى خدك الزهري وبخـاف ترمينـي لمحاتـك
أخاف صدك بخاف جورك وأحب تتهنى بحياتـك
بحبك حبي للعافية وكمان يـا سيـدي وحياتـك
بحب فيك الحيا الفطري ويذوب من حالي صيحاتك
إذا في حبكم ضعـت واذا أقبـر فـى ساحاتـك
أكون للحظ دوام شاكر وأقبل أنـت راحاتـك
أحب أنظر جمال محياك وأخاف تسحرني بسماتـك
وأخاف لحظك يجرحني واحب تسكرنى بسماتـك
وأحب طيفك يآنسني وأحب تسمعنـي نغماتـك
وأخاف هجرك يطول بي وأخاف تحرمني كلماتك
منعم يا فريد عصرك سعيـد وسعيـده ساعاتـك
مكمل يا نزيه صافي وعفافك فطـري مـا فاتـك
وديع وبديع مثال رقة حشيم والريم هوى صفاتك
أنرت فؤادى يا ضامر ودمعي خضاب فى كفاتـك
زيد يا دمعي فى سيلك وزيد يا صـدري زفراتـك
حبيبك ودعك راحل زيد يـا طرفـي عبراتـك
حمام الأيك حـن مـره تعـال أسمعنـي نبراتـك
طربت أم در مقر أملي زمـان كفـاي عباراتـك
avatar
Admin
Admin

المساهمات : 24
تاريخ التسجيل : 03/09/2009
العمر : 36
الموقع : http://hagibtalfn.ahlamontada.com

معاينة صفحة البيانات الشخصي للعضو http://hagibtalfn.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى